Өскемен мен ШҚО Өскемен қаласы әкіміне салынып жатқан жаңа үйлер ұнамады
Қала басшысының ойынша, үйлерді мұндай күйде пайдалануға беруге болмайды
Өскемен қаласының әкімі Жақсылық Омар аппарат жиналысында салынып жатқан жаңа үйлерге қатысты пікір білдірді.
- Қазір 18 нысан салып жатыр, оның төртеуі қазір пайдалануға берілді. Ал келесі жылы 15 нысанды сатып бітіру мен 47 нысанға сметалық құжаттар жасау жоспарланған, - дейді қалалық құрылыс бөлімінің басшысы.
Алайда Жақсылық Омар пайдалануға берілген үйлердің сапасына көңілі толмайтынын атап өтті.
- Бұл пәтерлерді көпбалалы аналар мен жас отбасылар алады. Оларға мұндай үйлерді беру ақылға сыймайды. Оның үстіне, кейбір нысандар уақытында салынып бітпей жатыр. Менің ойымша, қалалық құрылыс бөлімі тарапынан бақылау аздау, - дейді қала әкімі.
Жақсылық Омар жобалау институты, қоғам белсенділері мен өзге де қызметкерлерден құралған жұмыс тобын құрып, жағдайды бақылауға алуды тапсырды.