Астанада терроризмге қарсы оқу-жаттығу өтеді

Оқу-жаттығу Алматы аудандық полиция бөлімшесінің ғимараты маңында (Бөрілі, 18) сағат 10.00-ден 13.00-ге дейін болады, деп хабарлайды ҚазАқпарат ХАА.

Іс-шараның негізгі мақсаты - терроризмге қарсы күрес жөніндегі астаналық жедел штаб күш-құралдарының дайындығын тексеру. Оқу-жаттығу кезінде кейбір шектеулер болады.

- Осыған орай қала қонақтары мен тұрғындарының сабыр сақтап, түсіністік танытуын сұраймыз, - делінген хабарламада.