Өскемен мен ШҚО Өскеменде орнатылған бейнебақылау камераларды қылмысты ашуға көмектесуде
Қазіргі уақытта 200 бейнебақылау камерасы орнатылған, алдағы уақытта тағы да 4000 камера қойылмақ
ШҚО Полиция департаментінің басшысы, генерал-майор Жанарбек Бақтыбаев қазіргі уақытта 200 бейнебақылау камерасының 20 мың әкімшілік заңбұзушылық пен 200 қылмыстық істі ашуға көмектескенін айтады. Ал тағы төрт мың камера орнатылатын болса, онда Өскемен қаласының тыныштығы толықтай қамтамасыз етілетін болады.
- Алдағы уақытта бейнебақылау камералары аулаларға, сауда үйлері мен сауда орындарында, қоғамдық орындарды орнатылатын болады, - дейді Жанарбек Бақтыбаев.
Полиция генералы сөз барысында ШҚО полицейлерінің материалдық-техникалық жабдықталуы республикада ең үздіктердің бірі екендігін де тілге тиек етті.
- Біздің полицейлер арнайы техникамен, қарумен, көлікпен толықтай қамтамасыз етілген. Соңғы бір жарым жылдың ішінде 276 көлік пен 10 автобус сатып алуға қаржы бөлінді, - дейді Жанарбек Төлеубекұлы.
