Өскемен мен ШҚО Мемлекеттік қызметкерлердің компьютерлері жұмыс уақыты біткеннен кейін міндетті түрде өшірілуі тиіс
Бұл шара мемлекеттік қызметкерлерге артық жұмыс істетуді доғару үшін жасалуда
Көбінесе, Өскемен қаласы әкім аппаратының қызметкерлері көп жұмыс істейтін көрінеді. Қараша айының басында жүргізілген жасырын сауалнаманың нәтижесі көрсеткендей, 191 мемлекеттік қызметкердің 112-сі немесе 59%-ы жұмыс уақытынан кейін де жұмыс істейді екен. Ал сауалнаманы ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің ШҚО бойынша департаменті жүргізген.
- Атқарушы органдарға артық жұмыс істету фактілерін азайтуға тапсырма берілді, егер артық жұмыс істеген қызметкерлер болса, оған өтемақы не демалыс берілуі тиіс, - дейді Өскемен қаласы әкім аппаратының басшысы Нұрлыбек Шерубаев.
Одан бөлек, Нұрлыбек Шерубаев мемлекеттік мекемелерде жұмыс уақыты біткен соң, компьютерлерді автоматты түрде өшіретін жүйенің енгізіліп жатқанын да айтып өтті.