Өскемен мен ШҚО Өскемен қаласындағы Үлбі кентінің үйлері орталық жылу жүйесіне қосылды
Магистральды құбыр жүйесі 530 үйге дейін тартылған
Бұл жайында "Өскемен жылу жүйелері" АҚ өкілдері хабарлап отыр. Кәсіпорын биылғы жылы жасалған жұмыстардың есебін шығарып, 5000 шақырымға жуық ыстық су құбырының жөнделіп, қалпына келтірілгенін айтты.
Ал ең басты жаңалық Өскемен қаласында ыстық су мен жылуды беру сапасы жоғарылаған. Егер осыдан 15 жыл бұрын мерзім сайын 81 апат болатын болса, қазір ол 23-ке дейін төмендеген. Ал жазда ыстық су тек бес күн ғана өшірілген.
- "Нұрлы жер" бағдарламасы аясында сорғыш станса құрылысы мен Үлбі кентіне дейінгі №2 қазандығының жылу құбырлары салынып бітті. Қаладан алыста жатқан ауданның тұрғындары енді жылу жүйесіне қосыла алады. Қазір 132 үй қосылған. Ал магистральды құбыр жүйесі 530 жеке құрылыстың аумағына дейін тартылды, - дейді мекеме.