Әлемде көмірқышқыл газы рекордтық деңгейге жетті

Ауаға таралған көмірқышқыл газы биыл да көп болуы мүмкін. Ал газдың көбеюіне, Халықаралық энергетика агенттігінің бағалауына қарағанда, энергия өндіретін материалдарға деген әлемде сұраныстың артуы себеп болып отыр, әсіресе, экономикасы қарқынды дамып келе жатқан Азия елдерінде сұраныс артып тұр. Ал 2040 жылға дейін энергияға деген сұраныс екі есе өсуі мүмкін.

Дегенмен кейбір мамандар жағдай әлі де түзелуі мүмкін деп отыр. Өйткені алдағы уақытта табиғи газға деген сұраныс көбейіп, мұнай өнімдеріне қызығушылық төмендейді. Алдағы жиырма жылдың ішінде табиғи газға деген сұраныс 45 пайызға дейін көбейіп, 2040 жылы энергия өндірісінің 60 пайызын табиғи газ құрайды деген жорамал бар.

Ал көмірге деген сұраныс азаяды. Жиырма жылдың ішінде көмірді ең көп тұтынатын Қытайда 15 пайызға дейін, Еуропада 65%-ға, АҚШ-та 30%-ға дейін азаяды.