Өскемен мен ШҚО Кәсіпорын жұмысшылары студенттерді дайындықтан өткізгені үшін еңбекақы алады
Келесі жылдан бастап кәсіби колледждер шәкірттерді кәсіпорындарға жіберіп оқытқаны үшін жаңа төлем жүйесін іске қоспақ
"Атамекен" кәсіпкерлер палатасы мен кәсіпорындардың өздері де заңға дуалды білім беру бойынша типтік келісімшарт жасау туралы бап қосқан. Енді облыс төңірегінде кәсіпорындарға төлем жасаудың жаңа жүйесі, яғни, кәсіби дайындыққа жіберілген әрбір шәкірт үшін жан басына төлем жасау жүйесі енгізілгелі отыр.
- 2019 жылдан бастап оқу орындарында қаржыландыруды жан басына қатысты жүргізу жоспары қойылып отыр, кәсіпорындарға колледж шәкірттерінің әрбірі үшін 6-8 мың теңге айналасында еңбекақы төленеді. Бұл кәсіптің дамуына қосымша стимул болады, - дейді ҚР "Атамекен" ҰКП Адам капиталын дамыту департаментінің директорының орынбасары Ләззат Шонаева.
Қазіргі уақытта төлем жұмыс берушіге ме әлде кәсіпорында шәкіртті үйреткен, қолғабыс еткен ұстаз-жұмысшының өзіне беріле ме – сол жағы қарастырылу үстінде.