Өскемен мен ШҚО "Нұр Отан" партиясынан 12 адам шығарылды
"Нұр Отан" партиясының Шығыс Қазақстан өңірлік филиалының төрағасы Даниал Ахметов екі жылдың қорытындысын баяндады
Сөз барысында аймақ басшысы тәртіптік тексерістердің нәтижелері туралы да айтып өтті.
Аталған кезең арасында "Нұр Отан" партиясының Ар-ұят кодексін мен жарлығын бұзған 14 адамның жауапқа тартылғаны, оның ішінде 12-сі партиядан қуылғаны белгілі болды. Одан бөлек, облыс әкімінің орынбасары, екі басқарма басшысы мен партияның өңірлік төрағалары сөгіс алған.
Екі жылдың ішінде партия қатарына екі мың адам қабылданған. Қазір Шығыс Қазақстан бойынша "Нұр Отан" партиясының құрамында 79 мың адам бар.
- Тұрғындардың мәселелерін назарға алмай әрі оны шешу жолында еңбек етпей, халықтың ықыласына бөлену мүмкін емес, - дейді "Нұр Отан" партиясының ШҚ өңірлік филиалының төрағасы Даниал Ахметов.
