Өскемен мен ШҚО ШҚО полицейлері екі күннің ішінде 47 мас жүргізушіні ұстады
Тәртіп сақшылары ауа райының күрт суытып, көктайғақ жайлауына байланысты 30-31 қазан күндері жол бойындағы бақылау жұмыстарын да күшейткен болатын
Жол-көлік оқиғаларын азайту мен оның алдын алу мақсатында бұл күндері Ішкі істер департаментінің рейд жұмыстарына барынша көбірек қызметкерлері тартылды.
- Екі күн тексерістің ішінде рөлге мас күйінде отырған 47 жүргізушіні ұстады. Алкогольдің жүргізушінің назарын аударып, рөлге ие болуына кедергі келтіретіні белгілі. Жыл басынан бері мас жүргізушілердің себебінен 62 жол-көлік оқиғасы тіркелді, - дейді ШҚО Полиция департаменті баспасөз қызметі.
Одан бөлек, ұялы телефон ұстаған күйі көлік айдаған 200 жүргізуші, жылдамдықты көбейткен 243 жүргізуші ұсталған.
