Өскемен мен ШҚО Өскеменде енді қоқысты өңдеп қана қоймай, өртейді
Жергілікті билік қоқыс өртеу кешенінің құрылысы үшін инвестиция тарту бойынша жұмыстар жүргізуде
Келесі жылдың басынан бастап ҚР Экологиялық кодексіне енгізілген өзгерістер күшіне енеді. Қалдықтардың көбін полигондарға жинауға болмайды. Сондықтан қала әкімдігі утилизация нұсқаларын қарастыруда. Соның бірі – қалдық өртейтін кешен құрылысы.
- Қала әкімдігі мен "MCE Invest" компаниясы серіктестік жөніндегі меморандумға қол қойды, - деп хабарлады Өскемен қалалық әкімдіктің баспасөз қызметі.
Техникалық себептерге байланысты кешенді қалада салу мүмкін емес. Сондықтан Ұлан мен Глубокое аудандарынан салу үшін сараптама жүргізілуде.
Сонымен қатар, қала әкімінің тапсырмасы бойынша қаладағы қоқыс өңдеу зауытының жобасын жасау қолға алынды. Нысан қарызға алынған ақшаға салынбақ. Еуразиялық қайта құру және даму банкі келісім бойынша жобаға 11,28 млрд теңге бөледі.
Одан өзге, қала әкімдігі қалдықтарды бөліп жинауға арналған 197 контейнерлерді орнату үшін қаржы бөлген. Олар орнатылды. Енді 444 контейнерлік алаңдар құрыла бастайды.
