Өскемен мен ШҚО Жексенбі күні Семейде ірі экологиялық акция өтеді
Қала әуежайы маңында жаппай көшет отырғызылады әрі акцияға қала халқы түгелімен шақырылып отыр
"Жасыл Семей" акциясы бүгін басталып, ертең бітеді. Ал идеяның бастамашысы Семей қаласының тумасы, кәсіпкер Балтабек Мұқашев болып отыр.
- Мақсатымыз – қаланы көгалдандыру. Бұл жолы әуежайдан бастап Комсомол кентіне дейін тал отырғызбақпыз. Бұл жер жазық дала болғандықтан, оның көрікті еткіміз келеді. Акцияға кез келген адам қатысып, қалаған көшетін отырғыза алады. Еріктілерге тегін түскі ас беріледі, - дейді акцияны ұйымдастырушылардың бірі Гаухар Мұратбекова.
Экологиялық акцияны қала әкімдігі мен қаланың үш бірдей жоғары оқу орны қолдап отыр: ҚазГЗИУ, Шәкәрім атындағы мемлекеттік университет, Семей мемлекеттік медицина университеті.