Өскемен мен ШҚО Полиция қызметкерлері ШҚО тұрғынынан жарты тонна балық тәркілеген
Өскемендік азамат ешқандай құжатсыз 582 келі балықты тасымалдаған
"Браконьер" жедел алдын алу шарасы кезінде табиғатты қорғау полициясы заң бұзған азаматты қолға түсірген.
- 20 қазан күні түнгі бірлер шамасында Жансары ауылының маңындағы Көкпекті-Васильевка тас жолы асуында полиция қызметкерлері Тoyota Surf көлігін тоқтатқан. 28 жастағы көлік жүргізушісі 582 келі балықты ешқандай құжатсыз алып бара жатқан. Материалдық шығын 200 мың теңгенің шамасында, - деп хабарлайды ШҚО ІІД баспасөз қызметі.
Заңсыз балық тасымалы фактісі үшін азаматқа қатысты ҚР ҚК 335-бабы 1-бөлігі бойынша сотқа дейінгі тергеу басталды.