Өскемен мен ШҚО ШҚО-да медициналық импланттарды 3D-принтерде басып шығару болады
Д. Серікбаев атындағы ШҚМТУ-дың жас ғалымдары танталдың көмегімен протез үлгілерін дайындауда
Университеттің жеті ғылыми бағдарламаларының екеуі танталдың көмегімен медициналық импланттарды жасауға бағытталған, деп хабарлайды Устинка LIVE.
- Біз осы бағыттағы зерттеу жұмысымызды 2017 жылы бастаған болатынбыз, - дейді университеттің жас ғалыми қызметкері, HD кафедрасының докторанты Аманжол Тұрлыбекұлы. - Мен биоүйлесім материалдарды және олардың жабындыларын жасаумен айналысамын. Біз 3D-принтерде тірі ағзаға барынша жақындатылған импланттардың кеуекті үлгілерін жасаймыз.
Аманжол оқу бітіргеннен кейін өзге жас ғалымдармен бірге университет жанында үш жыл жұмыс істеп, медицинаға жаңа технологияларды енгізеді.
ШҚМТУ-дың болашақ мамандары толыққанды жұмыс істеуі үшін білім ордасында 3D-принтер, 3D-сканер және әмбебап сынау машинасымен қамтылған қуатты ғылыми-техникалық кешен бар.
Одан өзге, қазірдің өзінде университет пен Травматология және ортопедия ғылыми-зерттеу институты арасында ынтымақтастық туралы келісімшартқа қол қойылған. Қазақстан нарығында сұранысқа ие 11 имплантанттың тізімі анықталды.