Өскемен мен ШҚО ШҚО ауылдарына 60 мың электр шамы орнатылады
Облыс қалалары мен аудан орталықтарында көше бойында тұрған бағандарға электр үнемдеуші шамдар орнатылып, ескі жарық шамдар ауыл көшелеріне тағылады
ШҚО әкімі Даниал Ахметов Зырян ауданына жұмыс сапары барысында өңірде жарық шамдарын ауыстыру бойынша ірі жоба басталғанын тілге тиек етті.
Қазіргі уақытта Өскемен мен Семей қалаларындағы жарық шамдар ауыстырылып жатыр.
- Қазіргі жарық шамдардан да тиімді, 40% үнемді шамдар орнатпақпыз. Жылдың соңына дейін Өскемен мен Семей қаларындағы жарық шамдар толығымен ауыстырылмақ. Ал жарық шамдарды келесі жылдан бастап ауылдарға орната бастаймыз, - дейді облыс әкімі Даниал Ахметов.
Облыста барлығы 60 мың жарық шам ауыстырылады деп жоспарлануда.