Жаяу жүргіншіні қағып кеткен жүргізуші табылды

Апат орнынан ізін суытқан жүргізушіні анықтау үшін тәртіп сақшылары бір тәулік тынбай іздеу жүргізген

Ол 57 жастағы жергілікті тұрғын болып шыққан.

ШҚО ІІД баспасөз қызметі хабарлағандай, қолға түскен Volkswagen көлігінің жүргізушісіне қатысты ЖКО және оқиға орнын тастап кету фактісі бойынша сотқа дейінгі тергеу басталды.

Естеріңізге сала кетейік, 14 қазан күні таңғы алтылар шамасында Сәтбаев даңғылы бойындағы жанармай құю станциясына жақын маңда белгісіз біреу көлігімен 61 жастағы жаяу жүргіншіні қағып, оқиға орнынан ізін суытқан болатын. Алған жарақаттан азамат оқиға орнында тіл тартпай кетті.

Тақырыптар: ДТП в Усть-Каменогорске Водитель скрылся с места ДТП Смертельное ДТП в Усть-Каменогорске