Өскемен мен ШҚО 
Алаяқтықтың жаңа жүйелері пайда болған
Ұлыбританиядағы Қазақстан елшілігі қазақстандықтарды Еуропада табысы жоғары жұмысқа шақыратын алаяқтардан сақтануға шақырды
Алаяқтар іскер байланыстарды іздеп, анықтауға арналған Linkedin әлеуметтік желісі арқылы құйтырқы әрекеттерін іске асыратын көрінеді. Қаскөйлер желі арқылы азаматтарды табысы жоғары жұмысқа шақырып отырған.
Алаяқтар қазақстандықтарға да ыңғайлы нұсқаларды ұсынады екен. Мәселен, тұрғын үй мен көлікпен қамтамасыз ету, жұмысқа тұруға қажетті рұқсат қағазды рәсімдеу сынды мәселелердің баршлығын шешуге уәде етеді. Ал азаматтар бұл ұсынысқа келіскен кезде қажетті құжаттарды әзірлеу үшін ақы ретінде белгілі бір шотқа қаржы аударуды сұрайды. Ақшаны алған сәтте барлық байланыстарды үзіп, жоғалып кетіп отырған.
- Елшілік алаяқтар туралы ақпаратты Ұлыбританиядағы дипломаттардан алған. ШҚО ІІД органдарына бұндай шағымдар әзірге келіп түскен жоқ. Алайда тәртіп сақшылары азаматтарды аса абай болуға шақырады, - деп ескертті ШҚО ІІД баспасөз қызметі.
