Өскемен мен ШҚО Аулаға қойылған көлік кімге кедергі жасайды
Қала тұрғындары көліктерін бей-берекет қойып кеткен жүргізушілерге наразы
Өскемен қаласының Славский атындағы жағалауы маңы ең танымал, абыройлы аудандардың бірі саналады. Алайда бұл ауданның аулаларында көліктер де, адамдар да көп.
Тіпті, күндіз адамдардың көбі жұмыста болуы керек дегеннің өзінде бұл аулаға көлік сыймай жүріс-тұрысқа кедергі келтіреді. Ал тұрғындар болса, кешке таман мүлдем аулада аяқ басар жердің қалмай қалғанын айтып шағымдануда.
Аулаға сыймай сірескен көліктер адамдардың жүріп-тұруына ғана кедергі келтірмей, тұрғындардың амандығы мен қауіпсіздігіне де қатер төндіріп отыр.
- Аулада көлік кептеліп тұрса, өрт сөндіру көліктерінің де оқиға орнына жете алмай, уақыт жоғалтады. Әсіресе, көпқабатты тұрғын үйдің пәтерлері өртенген кезде жету қиын, - дейді ШҚО ТЖД мамандандырылған отряд басшысының көмекшісі Максим Храмцов.