Өскемен мен ШҚО Зейнеткердің жарты тонна тасын көмірге айырбастап берді
Өскемен қаласының тұрғыны әділдікке қолжеткізді
Қаланың солтүстік жағалау бөлігіндегі Прибрежная көшесінде тұратын Зоя Рязанова екі апта бұрын газет редакциясына келіп, өз мәселесімен бөліскен. Зейнеткер қыстың қамын ойлап, көмір сатып алған. Алайда көмірдік көп бөлігі тас болып шыққан.
Зоя Васильевна қалалық әкімдікке, "Нұр Отан" партиясына жүгініп, сапасыз отынды қайта айырбастап береді деп күткен. Алайда газет бетіне осы оқиға туралы жазылғаннан кейін, зейнеткердің үйіне қосымша екі тонна көмір жеткізілген.
- Кеше маған сапасы жақсы көмір жеткізілді. Қойманың меңгерушісі өзі келіп, көмірді кіргізіп беруге көмектесті, - деп қуанышын жасырмады Зоя Васильевна. - Жағдайымды ескерусіз қалдырмай, көмектескендеріңізге рахмет.
Бұл жағдайдың соңы оң шешім тапты. Бірақ Зоя Рязанова сынды жеткізілген көмірі сапасыз тұрғындар қаншама.
