Өскемен мен ШҚО Келесі жылы Алакөлге апаратын жол жөнделмек
"Қазавтожол" компаниясының мамандары республикалық маңызы бар жолдың жекелеген бөліктерін қалпына келтіру бойынша ЖСҚ жасауда
2019 жылдың басында Үшарал-Достық пен Алматы-Үшарал-Ақши тас жолдарын жөндеу жоспарда бар. Бұл жолдар қазақстандықтарды демалыс орындарына апаратынын айта кеткен жөн.
- Бүгінгі күні инвентаризация нәтижесінде республикалық жүйеде шамаман 1900 нысан бар, - деп атап өтті ҚР СІМ Автомобиль жолдары комитеті төрағасының орынбасары Амангелді Беков. - Алғашқы жартыжылдықтың нәтижесінде оның 780-і ұлттық стандарттарға сай. 2019 жылдың соңына дейін бұл нысандар санын 850-ге жеткізу жоспарда бар.
"Қазавтожол" жыл соңына дейін 520 шақырым жолды жөндеуге уәде етуде. Оған Павлодар-Семей, Павлодар-Өскемен тас жолдары да бар. Бұл жобаны жүзеге асыру үшін "Нұрлы жол" бағдарламасы бойынша республикалық бюджеттен 60 млрд теңге бөлінген.