Өскемен мен ШҚО ШҚО-ның үш тұрғыны иіс газынан уланып қалды
Ұлан мен Жарма аудандарының тұрғыны пештерін дұрыс жақпай, өлім қауыша жаздады
Егде жастағы екі ер адам мен әйел улану жағдайымен аудандық ауруханаға түсті.
ШҚО ТЖД хабарлағандай, жер үйлердің ошақ-пештері дұрыс салынбағандықтан әрі мұржасы тазаланбағандықтан, үйге улы газ тараған.
- Адамдар қарапайым ғана өрт қауіпсіздігінің өзінің алдын алмайды. Мәселен, пештің мұржасын тазалап, пешін жөндеуге болады ғой. Кейде тұрғындардың мұржадан жылу шығармас үшін жапқышпен жауып тастайтын кездері болады. Мұның барлығы монооксид көміртегінің тарауына себеп болады, - дейді құтқарушылар.
