Өскемен өрт сөндірушілері оқу жаттығу өткізді

Оқу жаттығудың басты мақсаты биік ғимараттардан адамдарды құтқару мен өртті өшіру.

Өскемен қаласы ТЖБ хабарлағандай, өрт болған пәтерде жалын ортасында қалған үш адамды үш түрлі тәсілмен құтқарған. Оның біреуін көтергіш көліктің көмегімен құтқарса, екіншісін түтін ортасынан арнайы жабдықпен алып шықса, есінен танып қалған үшіншісін жіппен тартып жерге түсірген.

- Көбіне биік тұрғын үйлердің жанында құтқару қызметінің көліктері қысылып, бара алмай қалады. Өйткені ауланың, үй маңының бәрі қаңтарылған көліктер. Соның кесірінен жоғарғы қабаттағы тұрғындарды құтқаруға көп уақыт кетіп қалады, - дейді мамандандырылған отряд басшысының орынбасары Максим Храмцов.