Өскемен мен ШҚО Өскемендегі 50 үй жылыту маусымына дайын емес
Ал қалған көпқабатты үйлер, ол 97%, дайындық туралы құжатқа қол қойды
Қаладағы кей тұрғындар жылусыз қалатындығы туралы қалалық әкімдікте өткен кезекті отырыс барасында айтылды.
- Неліктен қала тұрғындарының 4%-ы жылыту маусымына дайын емес? - деп шүйлікті Өскемен қаласының әкімі Жақсылық Омар. - Мен таңертеңнен бері Көкжал Барақтағы бірнеше үйлерді ӨӨБК, ПИК, Жылу жүйелері қызметтерімен бірге тексеріп шықтым. Жаз біткелі бірақ уақыт болса да, бұл үйлер жалу қосуға дайын емес. Бұл жұмыстардың барлығы әлі неге бітпеген?
Анықталғандай кейбір үйлерге жылу жүйлерін күрделі жөндеу жұмыстары қажет. Бұндай көпқабатты үйлер тізімінде Қабанбай батыр, 164 мекенжайында орналасқан жатақхана да бар.
- Күрделі жөндеу жұмыстарына қаржы керек. Жылда бұл үйлерге жылу кепілхат бойынша қосылады. Бірақ қазір апаттық жағдайда. Бірнеше рет тұрғындармен кездесу ұйымдастырылды. Бірақ ақша жинау қиын, - деп мәлімдеді №4 өзін-өзі басқару комитетінің басшылығы.
Тұрғындарды жөндеу жұмыстарына қаржы жинамайтындығы туралы Өскемен қаласы әкімінің орынбасары Бауыржан Құдияров.
Отырыс соңында қала әкімі жылыту маусымына дайындығы жоқ үйлерді тексеріп шығатын комисси құруға тапсырма берді. Сонымен қатар, облыстық мамандандырылған медициналық орталық пен №39 мектеп те бақылауға алынды. Бұндағы күрделі жөндеу жұмыстары 1 қазанға дейін аяқталуы керек.
