Өскемен мен ШҚО Шығыс Қазақстанда хоспистер жеткіліксіз
Аймақта емнен күдер үзген науқастарға паллиативтік көмек көрсететін екі мекеме ғана бар
Толыққанды емдеу мекемесі Семей қаласында ғана бар, ал Өскеменде облыстық онкологиялық диспансерде паллиативтік көмек көрсететін бөлім бар.
Облыс орталығындағы Защита ауданы мен Ұлан ауданындағы Таврия ауылында жеке меншік хоспистер жұмыс істейді, бірақ онда санитарлық көмек қана көрсетіледі.
- Өмірінің соңғы күндерін дұрыс өткізу үшін науқастарға жақсы медициналық күтім жасалуы керек. Бірақ бұл мекемелерде ауырсынуды басатын дәрі-дәрмектер қолдануға лицензиялары жоқ, - дейді ШҚО әкімдігі жанындағы Қоғамдық кеңестің денсаулық сақтау сұрақтары бойынша сарапшы топ төрағасы Татьяна Чернышова.
