Өскемен мен ШҚО Өскемен қаласындағы жер үсті өткелі қазан айында салынып бітеді
Бүгін бұны Өскемен қалалық ТҮКШ, жолаушылар көлігі және автомобиль жолдары бөлімі растады
Құрылысы бір жылға жуық уақытты алған нысан әу бастан-ақ қала халқының наразылығын тудырған.
Ал бүгін қалалық ТҮКШ мамандары өткелдің құрылыс жұмыстары келер айдың аяғына дейін бітеді деп сендірді.
- Аяқталу мерзімі – қараша. Бірақ біз жұмыстарды қазан айының аяғына дейін аяқтасақ деп отырмыз, - дейді мекеме басшысы Руфат Акрамов. - Қазір фасадты жауып тұратын сызықты панельдер қойлып, әйнектеу жұмыстары жүргізілуде. Жұмыстарды жергілікті өндіруші "УК Триплекс" жүргізуде.
Қалалық ТҮКШ-тегілер әзірге нақты қай уақытты өткел халық игілігіне берілетіндігін атап айтпады. Айта кеткен жөн, жоба бойынша өткел сатылар және жеделсатымен жабдықталуы керек.