ШҚО-да жарты жылдың ішінде үш ана көз жұмған

Қазақстанда ана мен бала өлімінің артуына байланысты түсіндіру жұмыстарын жасау үшін Өскеменге ҚР Денсаулық сақтау вице-министрі Ләззат Ақтаева келді.

Вице-министр облыстық Денсаулық сақтау басқармасы басшысы Марат Шорановпен, бас дәрігерлермен кездесіп, қайғылы жағдайды болдырмаудың, алдын алудың жолдарын ақылдасты.

Ал жылдың басынан бері облыста үш ана көз жұмған екен.

- Біріншісі қан тоқтамаудың, екіншісі баладан бас тартудың кесірінен көз жұмса, үшінші 37 жастағы әйел бірінші баласын босана алмай көз жұмды, - дейді Ләззат Ақтаева.

Ал ШҚО Денсаулық сақтау басқармасы басшысының айтуынша, үшінші әйелге босанудың қаншалықты ауыр, қатерлі екендігі түсіндірілген. Өйткені әйелдің өзі экстрагенитальды ауру түріне шалдыққан болатын.

- Оның үстіне, әйелдің жатыр қан тамырлары бітеліп қалған. Мұндай асқынудың арты өлімге соқтырмақ, - дейді Ләззат Ақтаева.