Өскемен мен ШҚО Өскеменде құрылыс краны құлады
Куәгерлердің айтуынша, құрылыс техникасы құлаған кезде, маңайдағы тұрғындардың барлығы шошып қалған
Өскемен қаласының Красин көшесінде тұрған құрылыс кранының құлаған кезі видеоға түсіп қалған. Ол әлеуметтік желіге осыдан екі сағат бұрын жүктелген. ШҚО құтқарушылары да оқиғадан хабардар екендігін жеткізді.
- Біз Ғаламторға жүктелген бейнежазбаны көрдік, алайда ешкім 112 каналына не 101 желісіне хабарласпады. Оқиға жайлы ешқандай хабар жоқ, - дейді ШҚО ТЖД баспасөз хатшысы Анастасия Скляр.
Зардап шегушілер бар не жоғы да әзірше белгісіз.
