/ Әлем және Қазақстан

ҚР Бас прокуратурасы пайдалы қазбаларды заңсыз өндіргендерді ұстады

Олар қоршаған ортаға 1,5 млрд теңгеден астам зиян келтірген
18 қыркүйек 2018 года, 11:56 2095 Наталья Хижняк
Новости Казахстана и регионов на сегодня. - Генпрокуратура РК выявила незаконную добычу полезных ископаемых
Ақпарат көзі: © МИА "Казинформ" Фото: © pospeliha.ru

Бас прокуратурада өткізілген кеңес барысында жер қойнауын пайдалану саласындағы заңдылықты тексерудің қорытындылары жарияланды, деп хабарлайды ҚР Бас прокуратурасы.

- Қиыршық тас, құм, топырақ, қара топырақ және басқа кең таралған пайдалы қазбаларды заңсыз өндірудің 700-ден астам фактісі анықталды, - деп мәлімдеді Бас прокурор.

Мысалы, Батыс Қазақстан, Жамбыл, Қызылорда, Маңғыстау және Павлодар облыстарында 17-ге жуық субъект жер пайдалану құқығын алмастан, табиғи ресурстарды заңсыз өндірген.

Жамбыл облысында «ISS Ingineering» және «Bahon-Строй» компаниялары темір жол және автомобиль жолдарын салу үшін 197 мың текше метр жер қойнауын өз беттерінше алып қойған. Келтірілген залалдың мөлшері 626 млн теңгені құрады.

Прокуратураның ұсынысы бойынша Экология департаменті сот тәртібімен зиянды өндіру шараларын қабылдады.

Алматы, Жамбыл және Батыс Қазақстан облыстарында 200 жағдай бойынша жер қойнауын пайдалану қызметі экологияға зиян келтіре отырып, қоршаған ортаға шығарылатын эмиссия бойынша уәкілетті органның рұқсатынсыз жүзеге асырылған.

Жер қойнауын пайдалану кезінде бұзылған жердің құнарлылығын қалпына келтіруге қатысты мемлекеттік бақылаудың болмау себебінен Ақмола, ШҚО, Жамбыл, БҚО, Қостанай және Қызылорда облыстарында 147 астам субъект жерді қорғау жөніндегі жұмыстарды орындаудан өз беттерінше бас тартқан.


Загрузка...

Устинка Live хабарландыруларын алып тұрыңыз