Өскемен мен ШҚО ШҚО "7-20-25" бағдарламасын жүзеге асырып жатқан аймақтар үштігіне енді
Бүгінгі таңда 40 мыңға жуық шығысқазақстандық осы бағдарлама бойынша баспаналы болуға бел буған
Бүгін ШҚО-ға "Нұр Отан" партиясы төрағасының бірінші орынбасары Мәулен Әшімбаев келді. Ол "7-20-25" бағдарламасына қатысушылар мен банк басшыларымен кездесті.
Кездесу барысында анықталғандай, біздің облыс аталмыш бағдарламаны жүзеге асырып жатқан облыстар арасында үшінші орында тұрғандығы анықталды.
- Бүгінгі күні 38 мың шығысқазақстандық осы мүмкіндікті пайдалануға ниет білдірді. Олардың серіктес банктерде жалпы сомасы 170 млрд теңге жинағы бар, - дейді Мәулен Әшімбаев.
Қазір бағдарлама аясында салыгған 431 пәтер дайын. Тағы 798-і жыл аяғына дейін дайын болады.
