Өскемен мен ШҚО Облыс ауылдарының біріне ауыз су тартады
Өңір басшысы Даниал Ахметов жұмыс сапарымен Катонқарағай ауданына барып қайтты
Жаңа Хайрузов ауылына су құбырын тарту жұмыстары "Аудандарды дамыту 2020" бағдарламасы аясында жүзеге аспақ
Облыс басшысымен кездесу барысында "Жарма Құрылыс-Газ" ЖШС мердігерлік ұйымының басшысы Виктор Исабаев 10 шақырым су құбыры салынып қойғанын айтты. Ұңғымалар бұрғыланып, қоршау мен таза су резервуары орнатылды. Құрылыс жұмыстары қатаң режімде жүріп жатыр. Сондықтан да ауыл тұрғындарының үйлеріне су жеткізілетін уақыт та алыс емес.
- Ауылда, шамамен, 700 адам тұрады. Жоба құны 586 млн теңге. Орталықтандырылған су жүйесі әр аулаға тартылады. Яғни, тұрғындардың барлығы таза ауыз сумен қамтамасыз етіледі, - деп атап өтті Даниал Ахметов.