Өскемен мен ШҚО Семейде мотокросстан ауқымды жарыс өтеді
Турнирге кросстық мотоциклі және тиісті лицензиясы бар барлық тілек білдірушілер қатыса алады
Қатысушылардың жас ерекшелігі шектелмеген. Жасы бестен асқан барлық спортшылар жарысқа жіберіледі, деп хабарлайды Устинка LIVE.
- Бұл Семей қаласының кубогына арналғна турнир, - деді шоу ұйымдастырушысы Александр Попенко. - Додаға кәсіпқойлар да, әуесқойлар да қатыса алады. Жүлдегерлерге медальдар, мақтау қағаздары және ақшалай сыйлықтар табысталады. Жарысқа қатысушылардың мотоциклі, сақтандыру киім-кешегі және кем дегенде 500 мың теңгеге сақтандырудың болуы шарт.
Турнир Аягөз көшесі аумағында әуежайдың арт жағындағы алаңда өтеді. Көрермендер үшін кіру тегін. Сенбі күнгі кезең сағат 14.00-ден 18.00-ге дейін өтеді. Ал жексенбі күнгі кезеңнің өту уақыты әлі белгісіз. Жарыстарға қатысу үшін өтінімді сенбі күні өтетін уақытынан бұрын келіп беруге болады.
Толық ақпаратты 8-705-529-21-12 нөмірі арқылы біле аласыздар.