Өскемендіктер жұмысқа кешігіп қалды

Облыс орталығында рельсті көлік қозғалысы тағы да істен шығып, №1 қалалық аурухана маңында жеті трамвай тұрып қалды

Бүгін таңғы жетілер шамасында №4 бағыттағы алматылық трамвайлардың бірі электр қуатын беретін сымнан үзіліп, қозғалысты бұғаттады.

Оның артынан алты вагон тұрып қалды.

- Жұмысым жетіде басталады. Енді жұмысқа кешігемін, сол үшін айыппұл да алуым мүмкін, - дейді қала тұрғыны Марина. - Мен сияқты он шақты адам бар.

Айта кетейік, оқиға орнында апаттық қызмет жұмыс істеп жатыр. Ал жұмысқа кешіккендердің көбі трамвайды күтпей, автобуспен кетті.

Біздің Telegram арнамыздағы ең маңызды нәрселер