Пәтер өртеніп кете жаздады

Өткен жексенбіде төрт қабатты тұрғын үйде өрт шығып, 25 адам эвкуацияланды

Қазақстан көшесі, 116 мекенжайында орналасқан төрт қабатты үйдегі пәтерлердің бірінде таңғы бестер шамасында жиһаз жана бастаған.

Тілсіз жаумен күресуге бес автоцистерна мен жеке құрамнан 18 адам жедел жетті. Ғимараттан 25 тұрғын сыртқа шығарылса, оның бесеуі балалар.

ШҚО ТЖД баспасөз қызметі хабарлағандай, зардап шеккендер мен қаза тапқандар жоқ. Өрттің шығу себептері анықталуда.