Өскемен мен ШҚО Жауын суы Күршім ауданын шайып кетті
Нөсер жауынның кесірінен бөгеттің суы жиегінен асып төгілген
Бөгеттен асып төгілген су бау-бақшаны, егіс алқабын шайып, ауданның маңызды жолдарын бұзып жарған.
ШҚО ТДЖ баспасөз қызметі хабарлағандай, жауын суы жырып өткен жерлерге аудандық құтқару қызметінің мамандары жеткізілген.
- Ауылдарға қауіп төніп тұрған жоқ. Тасқын су тек бау-бақша мен егістіктерді жырып өткен. Бөгет пен жақын маңдағы ауылдың арасы үш шақырымдай. Бөгеттің шлюзі жабылды. Қазір ауылға апаратын жол жабық. Ауыл тұрғындары айналма жол арқылы қатынауда, - дейді Күршім ауданы ТЖБ басшысының м.а. Бауыржан Оразғалиев.