Өскемен мен ШҚО Өскеменде көптен күткен аялдама павильоны орнатылады
Екі айға жуық уақыт бойы "Колос" ауданындағы аялдамаға келген азаматтар автобусты тұрып күтуге мәжбүр болды
Әуезов даңғылындағы аялдама сауда дүңгіршегімен бірге алынып тасталған еді. Бұл аялдамада автобустар көп қатынайтындықтан, бұнда жиналатын адам қарасы да көп. Бірақ арнайы аялдама павильоны ұзақ қойылмай тұрған. Енді күні кеше ғана "Өскемен тәртіп" коммуналды кәсіпорны бұл олқылықтың орнын толтыруға кіріскен.
- Бұрынғы аялдама кешені дүңгіршек иелеріне тиесілі еді. Дүңгіршекті алып тастадық,- деп түсіндірді коммуналды мекеменің баспасөз хатшысы Әсел Ахметжанова. - Өтініш түскеннен кейін біздің қызметкерлерге жаңа аялдама павильонын орнатуға кірісті. Бүгін жұмыстар аяқталады.
