Өскемен мен ШҚО Шығыс Қазақстаннан Алтын адам табылды
Мамандар Тарбағатай ауданында нағыз археологиялық жаңалық ашты
Елеке сазы қорғанындағы қазба жұмыстары барысында Алтын адам табылған. Одан өзге, танымал археолог Зейнолла Самашевтің басшылығымен бір ай бойы зерттеу жұмыстарын жүргізген мамандар тобы 200 қорғанды анықтаған.
"Елеке-2" деп аталатын қорғаннан мамандар үш мыңнан астам алтын бұйымдар тапқан. Бұл заттар біздің дәуіріміздің 8-9-шы ғасырларына тиесілі. Олардың арасында бұрын еш қорғаннан табылмаған бірегей заттар да бар.
- Бұл орыннан табылған заттарға қарап, қорғанда патшалық еткен немесе ақсүйек сақтардың жерленгенін аңғаруға болады. Адамдар "алтын адам" деген сөзді тура мағынада түсінеді, бірақ бұл жерден көп мөлшерде табылған алтынға байланысты солай атауға болады, - дейді археолог Зейнолла Самашев.
