ШҚО-да тұңғыш рет отамен бүйрек салынды

Қазіргі уақытта елде бүйрекке ота жасаумен айналысатын төрт аурухана бар. Оның бірі – Өскемен қаласында орналасқан Трансплантация орталығы.

Республикалық трансплантация жөніндегі үйлестіру орталығының басшысы Жақсылық Досқалиевтің басшылығымен Өскемен қаласында ота жасалып, 56 жастағы әйелге оның 32 жастағы ұлының бүйрегі салынды. Ота сәтті өтті, науқас енді емдеу шараларынан өтетін болады.

- Шығысқазақстандық дәрігерлердің ота жасауға қауқары мен білімі жетеді. Ал клиниканың дамығандығы сонша – күрделі оталарды да оңай жасауға болады. Бұл клиникада бүйректен басқа жүрек пен бауырды да салуға болады, - дейді Жақсылық Досқалиев.

Ал нефрит дертіне шалдыққан екінші науқасқа орталық дәрігерлері өздері ота жасаған.

- Маған туған әпкем донор болды. Екеміздің ағзамыз бір-бірінен аумайды. Сондықтан ота жасауға да қиындық келтірмесе керек, - дейді науқас әйел.

ШҚО әкімі баспасөз қызметінің хабарлауынша, ота жасалған науқастарға дәрігерлер тегін беріледі.