Өскемен мен ШҚО Глубокое ауданының кәсіпкері экзотикалық шөп өсіріп, мейрамханаға өткізеді
Наталья Ивашкинаның нарыққа келгеніне үш жылдай уақыт болған
Қазіргі таңда экзотикалық көк шөптерді өсірумен айналысатын облыстағы жалғыз кәсіпкер.
Кәсіпкердің көкөніс пен көк шөп өсіретін шағын ғана жылыжайы бар.
- Экзотикалық дәмдеуіш шөптерге деген қызығушылығым артып, оның түрлі коллекцияларын жинай бастадым. Шетелден тұқым алып, оны өсіріп көрдім, - дейді кәсіп иесі.
Қазірдің Натальяның қолында 20-дан астам өсімдіктің түрі бар: Африкада да, Азия мен Еуропада да өсетін шөптер бар.
Тағамға дәм беретін бұл шөптерге деген сұраныс мол болып шыққан. Мейрамханалардың барлығы таласып алатын көрінеді.
Ал кәсіпкер жылыжайды ашу үшін үкіметтен 3 млн теңге грант алып, ісін бастаған.
