Ирландияда оқитын ұлына әкесі алимент төлеуден бас тартты
Сот барысында жас жігіт оқу ақысын төлеуге көмектесуін сұраған. Бірақ әкесі көмектесуден бас тартқан
Өскемендік жас азамат Ұлбыритания Корольдігіндегі Солтүстік Ирландияда жоғары оқу орнында білім алуда. Ал оқу жылы аяқталар уақытта әкесі алимент төлеуді тоқтатқан. Осылайша жас жігіт әкесін сотқа беріп, ай сайын 36 мың теңге алимент төлеуге талап қояды.
Бірақ әкесі ақша төлеуден бас тартады. Баласының шетелге бармай-ақ еліміздің ЖОО-ларында да білім алы мүмкін еді дегенді алға тартады.
- Істі қарау барысында сот жауапқа тартылған азаматтың жауабын негізсіз деп таныды. Өйткені бала қайда білім алатындығын өзі таңдауға құқылы, - деп түсіндірді Өскемен қалалық сотының баспасөз қызметі.
Сондықтан, сот жас жігіттің пайдасына шешілді.