Іздеудегі қылмыскерлер ұсталды

ШҚО тәртіп сақшылары бір тәулік ішінде ізін суытпай 42 қылмыстық істі ашты. Оның төртеуі қоғамдық орында жасалған

2 және 4 шілде аралығында ШҚО аймағында "Құқық тәртібі" ШААШ өткізілуде.

Шаралардың алғашқы күні-ақ полиция қызметкерлері 42 қылмыстың ізін ашты. Сонымен қатар, тәртіп сақшылары іздеуде жүрген төрт қылмыскерді тұтқындады.

Одан өзге, ШҚО ІІД баспасөз қызметі ұсынған ақпараттарға сүйенсек, алкогольдік ішімдікке мас күйінде көлік тізгіндеген 26 жүргізуші ұсталды.