ШҚО-да жүк көлігі төңкеріліп қалды

Өскеменнен Зырянға қарай шыққан көлік кеше сағат 18.00-де төңкеріліп қалған.

- 1984 жылы туған жүргізуші жүк көлігін басқара алмай, тас жолдан ұшып кеткен, - дейді ШҚО ІІД баспасөз қызметі.

Ешкім зардап шеккен жоқ. Куәгерлер түсірген суреттен жүк көлігінің аударылып, кабинасы сынып, фургоны жұлынып кеткенін байқауға болады. Полицейлер енді жүргізушіге айыппұл хаттамасын толтыратын болады.