Өскемен мен ШҚО Жұмыс беруші өз жұмыскерлеріне екі жыл бойы еңбекақы бермеген
Катонқарағай ауданының тұрғыны өз аулыдастарына еңбекақы төлемей, зейнетақы төлемдерін де аудармаған
Катонқарағай аудандық сотына жергілікті шаруа қожалығының жұмыскерлері шағымданған. Олардың айтуынша, 2016 жылдан 2018 жылға дейін жұмыс істеп келген жұмыскерлер өздерінің жалақыларын алмаған.
Анықталғандай, жұмыс беруші мен жұмыскерлер арасындағы келісімшарт құжат бойынша емес, ауызша жүргізілген. Алайда жұмыскерлерге жалақы бермеу конституциялық құқықтарды бұзу болып саналады және жұмыс берушіге айыппұл салынады.
Сот шаруа қожалығының иесін жұмыскерлерінің еңбекақысын беріп, зейнетақы төлемдерін аударып, моральдік нұқсанның орнын толтыруды міндеттеді. Шешім әлі заңды күшіне енген жоқ.