Өскемен мен ШҚО Құрылыс нысанында өрт шықты
Тарбағатай ауданындағы Ақсуат ауылында салынып жатқан құрылыс нысанының шатыры түгел жанып кетті
Өрттің жалпы ауданы 400 шаршы метр. Алдын ала болжам бойынша, өрттің шығуына құрылыс-монтаждау жұмыстары барысында қауіпсіздік техникаларын сақтамау себеп болған.
Өрт сөндірушілер оқиға орнына жеткен уақытта нысан шатырын қалың өрт шарпыған. Мамандар бірінші кезекте жалынның көрші ғимараттарға тиіп кетпеуін басшылыққа алды.
Құтқарушылар 2,5 сағат бойы тілсіз жаумен күрес жұмыстарын жүргізген. Абырой болғанда, оқиғадан зардап шеккендер болған жоқ.
