Оқиғалар Чехия миллиондаған қаржыны жымқырған қылмыскерді Қазақстанға жіберді
ҚР Бас проккуратурасының баспасөз қызметі хабарлағандай, қомақты қаржы жымқырды деген күдік тағылған азаматты Чехиядан Қазақстанға экстрадирциялады
- Бас прокуратура мен ҚР ІІМ қызметкерлері қылмыстық жауапқа тарту үшін Чехиядан Владимир Чаплинскийді экстрадициялады, - делінген хабарламада.
Баспасөз қызметінің ақпараттарына сүйенсек, В. Чаплинский 2007 жылы "Агат-7" ЖШС директоры бола отырып, Балқашта мектеп салуға мемлекеттік мекемелермен келісімшарт жасасқан. Өзінің қызметін пайдалана отырып, атқарылған істер актісіне жалған ақпараттар жазып, 39 млн теңгені қолды қылған.
- Қылмыстық әрекетінен кейін ол қылмыстық тергеуден жалтарып кеткен. Сондықтан да халықаралық іздеу жарияланған болатын, - деп хабарлайды баспасөз қызметі.
Қазір ол Астана қаласындағы тергеу изоляторына тоғытылған.