Өскемен жастарын фестивальге шақырады

С.Серікбаев атындағы ШҚМТУ мен Өскемен қалалық жастар орталығы бірігіп, қала саябақтарының бірі мерекелік шара ұйымдастырады

30 маусым күні сағат 15.00-де "Металлургтер" саябағында "Жүрегім менің – Астана" атты жастар фестивалі өтеді.

Өскемен қалалық жастар орталығының хабарлауынша, бұл күні техникалық университеттің жастары концерттік бағдарлама дайындап, викторина ұйымдастырады.

- Викторинаға қатысушыларға сыйлықтар беріледі. Аттракциондар билеттері де ұтысқа тігіледі, - дейді орталық директоры Ерасыл Махмутов.