Өскемен мен ШҚО Туристерді Алакөлге шақыру үшін ғарышкерлер келді
Совет ғарышкерлері ғарыштан қайтып оралған соң, Алакөлге келіп сауықтырудан өтетін
Қазақстанға арнайы шақыртумен келген ардагер ғарышкерлер – Кеңес Одағының Батыры, ұшқыш-ғарышкер Анатолий Арцебарский, РФ Батыры, Қазақстанның Халық Қаһарманы, Ресей және Қазақстанның ұшқыш-ғарышкері Юрий Маленченко және РФ Батыры, РФ ұшқыш-ғарышкері, профессор Юрий Батурин Алакөлге барды.
- Қазақ сарбаздары жоңғарлармен соғысқан кезде осы көлге келіп жуынып, емделетін болған. Кейбір деректерде Шыңғысханның да түмен қолын Алакөлдің жағасына әкеп, емге дауа іздегендігі айтылады. Мұның барлығы – тарихи деректер. Кеңес ғарышкерлері де космостан оралған соң, түрлі радиациялардан арылу үшін әрі медициналық реаблитациядан өту үшін Алакөлге келіп, ұзақ емделетін, - дейді ҚР Мәдениет және спорт министрлігінің Туризм индустриясы комитетінің төрайымы Майнюра Мұрзамадиева.