Өскемен мен ШҚО Профилактикалық шаралар өтуде
Өмірде жаза басып, сәл нәрседен қателесіп, кейін бармақ тістеп, өкініп жататын жандар аз емес. Екі қолымен жасаған ісін мойнымен көтеріп жүрген азаматтарымыз да бар
Қоғамнан оқшаулаумен байланысты емес жазаға сотталғандарды бақылауға алып, олардың психологиялық түсінігін жақсартып, осы қоғамға бейімдеп, болашақта теріс жолға түспеуге үгіттеу - пробация қызметінің алдындағы мақсаттардың бірі.
18-28 маусым күндері аралығында "Шартты түрде" атты республикалық профилактикалық шараларын өткізу туралы бұйрығына сәйкес, Солжағалау аудандық пробация қызметі бөлімі Солжағалау аудандық ішкі істер бөлімімен бірлесіп іс-шараларын жоспарға сай өткізуде.
Атап айтқанда, Солжағалау аудандық пробация қызметі бөлімінің есебінен 175 қоғамнан оқшаулаумен байланысты емес жазаларға соталғандар өткен, осы сотталғандардың тарапынан қайталама қылмыстың алдын алу мақсатында Солжағалау аудандық ішкі істер бөлімінің жергілікті полиция инспекторларымен бірлесіп сотталғандардың тұрғылықты мекенжайын тексеріп, сотталғандарға әсер ете алатын жақын туыстарымен сұқпат жүргізуде.
Сонымен қатар, тұрғылықты мекенжайын тексеру барысында, қоғамнан оқшаулаумен байланысты емес жазаларға соталғандар тарапынан қандайда бір әкімшілік құқықбұзушылық немесе сотпен белгіленген міндеттерді бұзған жағдайда, пробация тарапынан сотталғандарға жаза қолданылады.
Р. Мухаметолдин,
ШҚО бойынша ҚАЖД Солжағалау аудандық ПҚБ капитаны
