Өскемен мен ШҚО Өскеменде үздік дәрігерлер мен медбикелер марапатталды
Медицина қызметкерлері күніне орай денсаулық сақтау саласында аянбай қызмет атқарып жүрген бірнеше азамат ШҚО әкімінің қолынан марапатталды
Мамандарға арналған мерекелік шара облыстық Драма театрда ұйымдастырылды, деп хабарлайды Устинка LIVE.
- Әлемде түрлі маңызды мамандықтар бар. Бірақ солардың ішінде мейірімділік, адамдардың денсаулығын қорғау, өмір жалғастығы және өмірсүйгіштік сынды барлық адами құндылықтармен байланысты бір ғана мамандық бар, - дейді Даниал Ахметов. - Біздің облыстың медицина саласы тек елде ғана бірінші болмай, сондай-ақ, Еуразиялық экономикалық кеңістікте жетекші болуы үшін барлық күшті жұмсаймыз.
Бұл күні Шығыс өңірінің түкпір-түкпірінен келген ақ халатты абзал жандар құрметтеліп, марапатталды. Көрермен назарына концерттік бағдарлама ұсынылды.
