Өскемендіктердің оқушы қызды іздегеніне бір апта болды

Жетінші күнге созылған іздестіру нәтиже бермеді. Раушанның ет-жақындары оның 19 мамырда сағат 15:00-де Красина кентіндегі үйден шығып кеткенін айтады. Қыз №5 мектепке жол тартқан, алайда оқу орнына бармаған.

Раушан ҰБТ-ны тапсыруға дайындалып, көп уақытын оқуға арнаған. Достары мен таныстары 11-сынып оқушысының қайда бара алатындығы туралы ештеңе білмейді.

18 жастағы қызды іздестіруге Rina.kz еріктілері мен полиция қызметкерлері де қосылды. Бірақ Раушан туралы ешқандай жаңалық жоқ.

Оқушы қыздың бойы 170 см , дене бітімі арықтау келген, шашы каре үлгісінде қиылған және қою қоңыр түсті. Ол сол күні қара пальто және тоқылған сұр көйлек киген.

Кез келген ақпаратты жеткізу үшін + 7-776-498-88-89, + 7-776-454-55-54 немесе 102 нөміріне хабарласуларыңызға болады.