Өскемен мен ШҚО Ғаламтордағы қан қажеттігі жайлы жаңалықтарды Қан орталығынан растап алған жөн
Тұрғындар жаңалықты оқи сала қан тапсыруға асығады. Ал қанның қазіргі уақытта қажет не керек еместігін анықтап алмайды
Ал ол жайлы қала тұрғындары Өскемен қаласының Көкжал Барақ көшесінде орналасқан Облыстық қан орталығына хабарласып біле алады: 70-08-08; 70-38-38 (тіркеу бөлімі).
- "Науқасқа қан керек" деп жарияланған жаңалықтардың кейбірі ескіріп қалуы не науқасқа қажетті қан мөлшері жиналып қалуы мүмкін. Мұндайда қайырымдылық жасағысы келген азаматтардың әрекеті зая кетеді. Ол үшін Шығыс Қазақстан облыстық қан орталығының ресми сайтына, "Донор бағдаршамы" атты қосымша парақшасына еніп қанша мөлшерде қан керектігі, оның құрамы жайлы ақпараттармен танысқаны жөн, - дейді Облыстық қан орталығы.