Бір тәулікте үш өрт оқиғасы орын алды

Екі жағдайда адамдардың өрт қауіпсіздігіне салғырт қарауы себеп болған.

- Кеше 9.30 шамасында "Спорттық" көлікжай кооперативіндегі бокстегі ағаш жабынды жанып кеткен. Өрт сөндіру қызметі 20 шаршы метрлік өртті ауыздықтады, - деп хабарлайды Өскемен қаласы ТЖБ. - Ал 14.00-де Тоқтаров көшесіндегі тұрақта тұрған  "Тойота Авенсистің" моторы жана бастаған. Сол күні 19.30 да  Шмелев Лог кентінде "Марс"  көлікжай кооперативінде ескі қақпақтар мен қоқыс жанып кеткен. Өр алаңы 80 шаршы метр.

Өскемен қалалық ТЖБ баспасөз қызметі хабарлағандай, алғашқы оқиға бойынша өрт сөндіру қызметкерлері отқа салғырт қарау, ал екінші жағдай бойынша қауіптілігі жоғары агрегатты пайдалануда қауіпсіздік ережелерін сақтамау себеп болған. Ал Шмелев Лог кентіндегі өрт бойынша екі нұсқа қарастырылуда: отқа салғырт қарау және қасақана өртеу.